ព្រះតេជព្រះគុណ លី ចិន្ដា ព្រះសង្ឃវត្តព្រៃជាប់ នៃខេត្ត ឃ្លាំង ត្រូវបានកងកម្លាំងនគរបាលវៀតណាម ចាប់ផ្សឹកហើយយក ទៅធ្វើទារុណកម្មនៅសាលាខេត្ត នារសៀលថ្ងៃទី ១៦ខែឧសភា នេះ ។ ព្រះអង្គត្រូវ បានអាជ្ញាធរចាប់ ទៅធ្វើទា រុណកម្ម និង ចាក់ថ្នាំរួចដោះលែងមកវត្តវិញ។ ប្រភពបានអះអាងថា ពេល អាជ្ញា វៀតណាមយកព្រះតេជព្រះគុណ លី ចិន្ដា មកសងវិញ នោះ ព្រះអង្គ និយាយបានពីបីម៉ាត់ក៏សន្លប់ បាត់ស្មារតីទៅ ។ មូលហេតុដែលនាំឲ្យអាជ្ញាធរចាប់ខ្លួន ព្រះសង្ឃអង្គនេះ ព្រោះ ព្រះអង្គចង់បង្កើតសាលារៀនអក្សរខ្មែរ នៅក្នុងវត្តព្រៃជាប់ ដើម្បី បង្រៀនដល់ព្រះសង្ឃ និងកូនចៅខ្មែរនៅចំណុះ ជើងវត្តនេះ ។

ស្រ្តីខ្មែរក្រោម ៣នាក់ និងបុរស ២នាក់ជាញាតិរបស់ព្រះតេជ ព្រះគុណ លី ចិន្ដា នៅវត្ត ព្រៃជាប់ ឋិតនៅក្នុងភូមិ ព្រៃជាប់ ឃុំឡាយវ៉ា ស្រុកជ្រោយញរ ឬ ស្រុកវិញចូវ (Vinh Chau)​ខេត្ត​ឃ្លាំង ត្រូវបានអាជ្ញាធរ​វៀតណាមចាប់ខ្លួន នៅរសៀល ម៉ោង ៤ ថ្ងៃទី ១៣ ខែឧសភា កន្លងទៅនេះ ព្រោះអ្នកទាំងនេះ ជួយ ការពារ​​មិនឲ្យអាជ្ញាធរវៀតណាម ចាប់ផ្សឹកព្រះតេជព្រះ គុណ លី ចិន្ដា ។

បាងកក៖ នៅថ្ងៃទី ១២ខែឧសភា នេះ សមណនិស្សិតខ្មែរ ក្រោម ចំនួន ១៣ អង្គ បានទទួលសញ្ញាបត្រថ្នាក់ បរិញ្ញាបត្រ និងអនុបណ្ឌិតពីសកលវិទ្យាល័យ មហាចុឡាឡុងកនរាជ វិទ្យាល័យ នៅប្រទេសថៃ ។ ពិធីប្រគល់ និងទទូលសញ្ញាប័ត្រ ត្រូវបានធ្វើឡើនៅមជ្ឈមណ្ឌល សកលវិទ្យាល័យមហាចុឡា ឡុងកនរាជវិទ្យាល័យ ឋិតនៅ ក្នុងស្រុកវាំងណយ ខេត្តអយុធ្យា ។

ប្រភពៈThe Prey Nokor Nows